எங்கள் திருக்கோணமலை 13 மெலிதான பூங்காற்று மெய்தீண்டிச் செல்லுகையில் மேன்மையுறு தமிழ்மொழியின் சிறப்பைச் சொல்லும் வலிதான குன்றமர்ந்து வரமருளும் கோணேசர் வழிநடப்போர் அன்பாலே சைவம் வெல்லும் தெளிதேனும் சர்க்கரையும் சேர்த்தினிய தமிழ்தந்த தேவாரப் பண்ணோசை நெஞ்சை அள்ளும் விழியாடும் மாதரென விளங்குமான் கூட்டங்கள் விளையாடும் அழகாலே உள்ளம் துள்ளும். நீறாடும் திருநுதலும் நெறியாடும் வாழ்வியலும் நிறைந்ததிரு வாசகமும் எங்கள் சொத்து ஏறாடும் பெருமான்மேல் எழில்சம்பந் தன்சொன்ன இனியகோண மலைப்பதிகம் பழைமை வித்து நூறாகத் தகர்த்தாலும் ஆறாகப் பெருகியொரு நேர்நின்று பேராடும் தமிழர் துணிவு மாறாது மாறாது என்றுரைசெய் மைந்தர்கள் மலைத்தாயார் பெற்றெடுத்த மண்ணின் சொத்து. தேனோடும் பூவோடும் மாவலியாள் வருவாள் தௌளுதமிழ்ப் பாவலர்க்குக் கவிதைமொழி தருவாள் மீனோடு போட்டியிட்டு மைவிழியார் வெல்வார் வீறுகொண்ட காளையர்கள் மயங்கிப்பின் செல்வார் கானாடும் வானரங்கள் கனிமரங்கள் தேடி களிப்போடு நகராடும் காளையர்போற் கூடி வானாடர் வந்தேத்தும் மாதுமையாள் நாதன் விருப்போடு அமர்ந்ததிருக் கோணமலைப் பூமி. கந்தவனம் கோணேஸ்வரன் ஏப்ரல் 2019

          எங்கள் திருக்கோணமலை 13

        மெலிதான பூங்காற்று மெய்தீண்டிச் செல்லுகையில்
           மேன்மையுறு தமிழ்மொழியின் சிறப்பைச் சொல்லும்
         வலிதான குன்றமர்ந்து வரமருளும் கோணேசர்
           வழிநடப்போர் அன்பாலே சைவம் வெல்லும்
         தெளிதேனும் சர்க்கரையும் சேர்த்தினிய தமிழ்தந்த
            தேவாரப் பண்ணோசை நெஞ்சை அள்ளும்
         விழியாடும் மாதரென விளங்குமான் கூட்டங்கள்
            விளையாடும் அழகாலே உள்ளம் துள்ளும்.

         நீறாடும் திருநுதலும் நெறியாடும் வாழ்வியலும்
           நிறைந்ததிரு வாசகமும் எங்கள் சொத்து
         ஏறாடும் பெருமான்மேல் எழில்சம்பந் தன்சொன்ன
           இனியகோண மலைப்பதிகம் பழைமை வித்து
         நூறாகத் தகர்த்தாலும் ஆறாகப் பெருகியொரு
           நேர்நின்று பேராடும் தமிழர் துணிவு
         மாறாது மாறாது என்றுரைசெய் மைந்தர்கள்
           மலைத்தாயார் பெற்றெடுத்த மண்ணின் சொத்து.

        தேனோடும் பூவோடும் மாவலியாள் வருவாள்
          தௌளுதமிழ்ப் பாவலர்க்குக் கவிதைமொழி தருவாள்
        மீனோடு போட்டியிட்டு மைவிழியார் வெல்வார்
          வீறுகொண்ட காளையர்கள் மயங்கிப்பின் செல்வார்
        கானாடும் வானரங்கள் கனிமரங்கள் தேடி
          களிப்போடு நகராடும் காளையர்போற் கூடி
        வானாடர் வந்தேத்தும் மாதுமையாள் நாதன்
          விருப்போடு அமர்ந்ததிருக் கோணமலைப் பூமி.

                            கந்தவனம் கோணேஸ்வரன்
                            ஏப்ரல் 2019

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

தமிழ் இலக்கணம் அறிவோம் - இயல் 02 - பகுதி 4

பதவியல் 4 இடைச் சொற்கள்.  இடைநிலை. ஒரு பகுபதத்தில் பகுதி, விகுதி என்பவற்றுக்கு அடுத்தபடியாக முக்கிய இடம் வகிப்பவை இடைநிலைகளாகும். விகுதியானது திணை, பால் எண், இடம் என்பவற்றைக் காட்டுவதுபோல் வினைச் சொற்களுடன் இணைந்துவருகின்ற இடைநிலைகள் காலத்தைக் காட்டுகின்றன. பெயர்ச்சொற்களிடையே வருகின்ற இடைநிலைகள் காலங்காட்டுவதில்லை. இவற்றின் தன்மையைக் கொண்டு அறிஞர்கள் மூவகைப் படுத்தியுள்ளனர். அவை பெயர் இடைநிலை, வினை இடைநிலை, எதிர்மறை இடைநிலை என்பவையாம்.  பெயர் இடைநிலை: இவை பெயர்ச்சொற்களின் பகுதி, விகுதிகளுக்கு இடையே வருகின்றதெனினும் காலங்காட்டுவதில்லை. உதாரணமாக, அறிஞன், வலைஞன், சுவைஞன் என்பவற்றில் வருகின்ற ‘ஞ’கர மெய் இடைநிலை எனப்படுகிறது. அதேபோல் வலைச்சி என்ற பகுபதத்தில் வருகின்ற ‘ச்’, குறத்தி, வண்ணாத்தி ஆகிய பகுபதங்களிடையே வருகின்ற ‘த்’ என்பன இடைநிலைகளாகும். இவை உண்மையில் இடைநிலைச் சொற்கள்தாமா என்ற மயக்கம் எழுவதற்கும் வாய்ப்பு இல்லாமலில்லை. இவை தனியெழுத்தாக அமைவதும், உடம்படு மெய்போல் தோற்றமளிப்பதும் இத்தகைய மயக்கத்துக்கு ஏதுவாகின்றன. உடம்படு மெய் என்பது வேறு: இடைநில...
மேலும் படிக்கவும்

தமிழ் இலக்கணம் அறிவோம் - இயல் 02 - பகுதி 09

பதவியல்      இயல் 2   பகுதி 9 ஒன்றுடன் ஒன்று தொடர்புபட்டதாகவும் கருத்துப் புலப்படுமாறும் அமைந்திருக்கின்ற இரண்டோ அல்லது அதற்கும் மேற்பட்ட சொற்களைக் கொண்ட கூட்டே தொடர்மொழி எனப்படுகின்றது.  தொடர்மொழியானது தொகைநிலைத் தொடர், தொகாநிலைத் தொடர் என இருவகைப்படுகின்றது.  தொகைநிலைத் தொடர்: தொகைநிலைத் தொடர் என்பது உருபுகள் வெளிப்படாமல் மறைந்து நிற்கின்ற நிலையில், இரண்டு அல்லது அவற்றுக்கும் மேற்பட்ட சொற்கள் இணைந்து இலக்கணரீதியாகப் பொருள் தருவது எனலாம். தொகை என்றால் தொக்கிநிற்கிறது அல்லது மறைந்து நிற்கிறது என்று பொருள். இத்தொகைநிலைத் தொடர் வேற்றுமைத்தொகை, வினைத்தொகை, பண்புத்தொகை, உவமைத்தொகை, உம்மைத்தொகை, அன்மொழித்தொகை என அறுவகைப்படுகின்றது. 1. வேற்றுமைத்தொகை: வேற்றுமை உருபுகள் வெளிப்படையாகத் தெரியாமல் மறைந்துநின்று பொருள் தருகின்றபோது அது வேற்றுமைத்தொகை எனப்படுகிறது. வேற்றுமைகள் எட்டு என்கிறது இலக்கணம். இவற்றுள் முதல்வேற்றுமையும் எட்டாம்வேற்றுமையாகிய விளிவேற்றுமையும் உருபுகள் அற்றன. அதாவது எந்த உருபுகளையும் தம்முடன் இணைத்து மொழிநடையில் ...
மேலும் படிக்கவும்

தமிழ் இலக்கணம் அறிவோம் எழுத்தியல்- பகுதி 5

போலி எழுத்துகள். சில சமயங்களில் ஓரெழுத்தக்குப் பதிலாக வேறோர் எழுத்தைப் பயன்படுத்தும்போது அது போலி எழுத்து எனப்படுகிறது. போலிஎழுத்தும் இலக்கண வலுவுடையது என்பதால் இலக்கண நூலார் அதனை ‘வழு’ எனப் புறந்தள்ளுவதில்லை. எனினும் போலி எழுத்துகள் வலிந்து புகுத்தப்படாதிருப்பது மொழிக்கு அழகு தருமென்பதை நினைவிற் கொளல் நலம். போலி எழுத்துகள் சொல்லின் முதலில் இடம்பெறும்போது அது முதற்போலி எனவும், இடையில் இடம்பெறுகையில் இடைப்போலி எனவும், சொல்லினிறுதியில் வரும்போது கடைப்போலி எனவும் வழங்கப்படுகின்றன. 1. முதற்போலி ஓளவை          அவ்வை        ஒள அவ் போலி பௌத்தம்       பவுத்தம்        பௌ பவு போலி நண்டு              ஞண்டு           ந ஞ போலி மயல்               மையல்         ம மை போலி  மையம்           மய்யம்          மை மய் போலி ஐயர்  ...
மேலும் படிக்கவும்