சைவநெறித் தத்துவம் (1)


சைவநெறியின்படி பதி பசு பாசம் ஆகிய முப்பொருளும் நிரந்தரமானவை. இவை ஒருபோதும் அழிவதில்லை. பதி என்பது இறைவன். பசு என்பது உயிர்கள் பாசம் என்பது உயிரைப் பற்றியிருக்கும் மலங்கள்.

பதியாகிய இறைவன் ஒருவனே. அதனால் இறைவனுக்கு ஏகன் என்றும் பெயருண்டு. ஆயினும் உயிர்களுக்கு உதவும்பொருட்டு பதி பலதோற்றங்களைப் பெறுகிறது. பலதோற்றங்களைப் பெறுவதால் இறைவனுக்கு அநேகன் எனவும் பெயருண்டு.

உயிர்கள் எண்ணிறந்தவை. இவை பிறப்பெடுப்பதன் நோக்கம் மலங்களின் பிடியிலிருந்து விடுபட்டு தம்மைத் தூய்மைப்படுத்திக் கொண்டு ஈற்றில் இறையுடன் இரண்டறக் கலப்பதேயாம். அனைத்து உயிர்களும் இறைவனுடன் சேரும்வரை மீண்டும் மீண்டும் பிறப்பெடுக்குந் தன்மையின.

பாசம் களையப்படவேண்டியது. பாசம் விட்டகன்றால்தான் உயிர்களுக்கு விமோசனம். பாசம் உயிர்களை அநாதியாகவே பீடித்திருக்கிறது. பாசத்துக்கு மலம் என்றும் பெயருண்டு. இந்தப் பெயரே அது அகற்றப்பட வேண்டியது என்ற கருத்தைத் தாங்கி நிற்கிறது.

பாசம். அல்லது மலம் மூவகைப்படும். ஆணவம் கன்மம் மாயை என்பவையே அவை. ஆணவத்தை மூலமலம் என்றும் சொல்வர். உயிர்களை விட்டு ஆணவம் இலேசில் அகலாது.

ஆணவம் நான் என்கிற அகங்காரத்தைத் தருகிறது. கன்மம் நமது செயல்களால் விளைகிறது. மாயை எம்மைச் செயல்படத் தூண்டுகிறது.

மாயை இந்த உலகத்தில் நிகழ்கின்ற இன்பதுன்பங்களை உண்மையானவை என நம்பவைக்கிறது. எப்படியேனும் உலகில் பேரோடும் புகழோடும் வாழ்வதுதான் வாழ்க்கையின் வெற்றி என ஏமாற்றுகிறது. பிறர் அன்றாடம் இறப்பதைக்கண்டும் ‘நான் இறக்கமாட்டேன்.’ என எண்ணத் தூண்டுகிறது. சுருங்கச் சொலின் உலக ஆசையைக் குறையவிடாமற் பார்ப்பதுதான் மாயையின் சிறப்பு.

கன்மம் நாம் செய்யும் செயல்கள்மூலம் விளைகிறது. பாவபுண்ணியங்களைச் சேர்ப்பது கன்மத்தின் வேலையாகும்.. பாவ புண்ணியங்களுக்கேற்ப உலகில் பிறவி வாய்க்கிறது. புண்ணியங்கள் மூலம் பிறவிதோறும் நல்வாழ்க்கையும் பாவங்களினால் துயரநிலையும் தீர்மானிக்கப்படுகின்றன.

மாயைமூலம் நிலையில்லா வாழ்க்கையை நிலையென்று நம்பியும் கன்மத்தின்மூலம் பாவ புண்ணியங்களைப் பெருக்கியும் திண்டாடும் ஆன்மாவுக்குத் தான் என்ற அகங்காரத்தைக் கொடுத்து ஆட்சிபுரிய வைக்கிறது ஆணவமலம்..

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

தமிழ் இலக்கணம் அறிவோம் - இயல் 02 - பகுதி 4

பதவியல் 4 இடைச் சொற்கள்.  இடைநிலை. ஒரு பகுபதத்தில் பகுதி, விகுதி என்பவற்றுக்கு அடுத்தபடியாக முக்கிய இடம் வகிப்பவை இடைநிலைகளாகும். விகுதியானது திணை, பால் எண், இடம் என்பவற்றைக் காட்டுவதுபோல் வினைச் சொற்களுடன் இணைந்துவருகின்ற இடைநிலைகள் காலத்தைக் காட்டுகின்றன. பெயர்ச்சொற்களிடையே வருகின்ற இடைநிலைகள் காலங்காட்டுவதில்லை. இவற்றின் தன்மையைக் கொண்டு அறிஞர்கள் மூவகைப் படுத்தியுள்ளனர். அவை பெயர் இடைநிலை, வினை இடைநிலை, எதிர்மறை இடைநிலை என்பவையாம்.  பெயர் இடைநிலை: இவை பெயர்ச்சொற்களின் பகுதி, விகுதிகளுக்கு இடையே வருகின்றதெனினும் காலங்காட்டுவதில்லை. உதாரணமாக, அறிஞன், வலைஞன், சுவைஞன் என்பவற்றில் வருகின்ற ‘ஞ’கர மெய் இடைநிலை எனப்படுகிறது. அதேபோல் வலைச்சி என்ற பகுபதத்தில் வருகின்ற ‘ச்’, குறத்தி, வண்ணாத்தி ஆகிய பகுபதங்களிடையே வருகின்ற ‘த்’ என்பன இடைநிலைகளாகும். இவை உண்மையில் இடைநிலைச் சொற்கள்தாமா என்ற மயக்கம் எழுவதற்கும் வாய்ப்பு இல்லாமலில்லை. இவை தனியெழுத்தாக அமைவதும், உடம்படு மெய்போல் தோற்றமளிப்பதும் இத்தகைய மயக்கத்துக்கு ஏதுவாகின்றன. உடம்படு மெய் என்பது வேறு: இடைநில...
மேலும் படிக்கவும்

தமிழ் இலக்கணம் அறிவோம் - இயல் 02 - பகுதி 09

பதவியல்      இயல் 2   பகுதி 9 ஒன்றுடன் ஒன்று தொடர்புபட்டதாகவும் கருத்துப் புலப்படுமாறும் அமைந்திருக்கின்ற இரண்டோ அல்லது அதற்கும் மேற்பட்ட சொற்களைக் கொண்ட கூட்டே தொடர்மொழி எனப்படுகின்றது.  தொடர்மொழியானது தொகைநிலைத் தொடர், தொகாநிலைத் தொடர் என இருவகைப்படுகின்றது.  தொகைநிலைத் தொடர்: தொகைநிலைத் தொடர் என்பது உருபுகள் வெளிப்படாமல் மறைந்து நிற்கின்ற நிலையில், இரண்டு அல்லது அவற்றுக்கும் மேற்பட்ட சொற்கள் இணைந்து இலக்கணரீதியாகப் பொருள் தருவது எனலாம். தொகை என்றால் தொக்கிநிற்கிறது அல்லது மறைந்து நிற்கிறது என்று பொருள். இத்தொகைநிலைத் தொடர் வேற்றுமைத்தொகை, வினைத்தொகை, பண்புத்தொகை, உவமைத்தொகை, உம்மைத்தொகை, அன்மொழித்தொகை என அறுவகைப்படுகின்றது. 1. வேற்றுமைத்தொகை: வேற்றுமை உருபுகள் வெளிப்படையாகத் தெரியாமல் மறைந்துநின்று பொருள் தருகின்றபோது அது வேற்றுமைத்தொகை எனப்படுகிறது. வேற்றுமைகள் எட்டு என்கிறது இலக்கணம். இவற்றுள் முதல்வேற்றுமையும் எட்டாம்வேற்றுமையாகிய விளிவேற்றுமையும் உருபுகள் அற்றன. அதாவது எந்த உருபுகளையும் தம்முடன் இணைத்து மொழிநடையில் ...
மேலும் படிக்கவும்

தமிழ் இலக்கணம் அறிவோம் எழுத்தியல்- பகுதி 5

போலி எழுத்துகள். சில சமயங்களில் ஓரெழுத்தக்குப் பதிலாக வேறோர் எழுத்தைப் பயன்படுத்தும்போது அது போலி எழுத்து எனப்படுகிறது. போலிஎழுத்தும் இலக்கண வலுவுடையது என்பதால் இலக்கண நூலார் அதனை ‘வழு’ எனப் புறந்தள்ளுவதில்லை. எனினும் போலி எழுத்துகள் வலிந்து புகுத்தப்படாதிருப்பது மொழிக்கு அழகு தருமென்பதை நினைவிற் கொளல் நலம். போலி எழுத்துகள் சொல்லின் முதலில் இடம்பெறும்போது அது முதற்போலி எனவும், இடையில் இடம்பெறுகையில் இடைப்போலி எனவும், சொல்லினிறுதியில் வரும்போது கடைப்போலி எனவும் வழங்கப்படுகின்றன. 1. முதற்போலி ஓளவை          அவ்வை        ஒள அவ் போலி பௌத்தம்       பவுத்தம்        பௌ பவு போலி நண்டு              ஞண்டு           ந ஞ போலி மயல்               மையல்         ம மை போலி  மையம்           மய்யம்          மை மய் போலி ஐயர்  ...
மேலும் படிக்கவும்