பாராட்டுப்பத்திரம்-கலைமாமணி டாக்டர் திருமதி நித்தியஸ்ரீ மகாதேவன்

தமிழ் இசையுலகில் புகழ்பூத்த கலைமாமணி டாக்டர் திருமதி நித்தியஸ்ரீ மகாதேவன் அவர்களின் இசைச்சேவையைப் பாராட்டி “இசைஞான வித்தகி” எனும் சிறப்புப்பெயர் சூட்டித் தென்கயிலை, திருக்கோணமலை மக்கள் சார்பாக, பாலையூற்று பாலமுருகன் ஆலயப் பரிபாலன சபையாரால் 24.02.2018 அன்று பாலமுருகன் முன்னிலையில்  வாசித்தளிக்கப்பட்ட,

                                      பாராட்டுப்பத்திரம்

“கண்ணோடு  காண்பதெல்லாம்”  காதாரக்  கேட்கிறது
கடல்கடந்தும்  உன்நாமம்  இசைமழையாய்ப்  பொழிகிறது
விண்ணோடுந்  திக்கெட்டும்  விரைந்துபுகழ்  படர்கிறது
விழியசைவில்  சங்கீதம்  வீழ்புனலாய்  வருகிறது.

 பதினான்கு  வயதினிலே  பாட்டுக்கு  இளவரசி
பைந்தமிழர்  நெஞ்சங்களில் நிறைந்திருக்கும் இசையரசி
விதவிதமாய்க்  குரல்வளத்தால்  இசையுலகில்  ஒளிபரப்பும்
விடிகாலை  ஆதவனாய்  எழுந்ததமிழ்க்  குலஅரசி.

 இசைஞான  வித்தகிநீ  இகம்புகழும்  சரஸ்வதிநீ
எமையாளுந்  தமிழுக்கு  அணிசேர்க்கும்  பைங்கிளிநீ
திசையாளும்  நிலவொளிநீ  தீந்தமிழர்  இசையளிநீ
திகட்டாக்கரு  நாடகத்துத்  திகழ்முத்தின்  சிரிப்பொலிநீ 

 வரலாறு  உனைப்போற்றும்  வளர்தமிழும்  உனைவாழ்த்தும்
வையத்துள்  இசைவாழும்  வரைக்கும்உன்  புகழ்வாழும்
உருவெடுத்த  கலைமகளாய் உலவுகின்ற  தமிழ்மகளே
உளமார  வாழ்த்துகிறோம்  நெடுங்காலம்  வாழ்கவாழ்க.

                                 பணிவன்புடன்,
                                 தென்கயிலை, பாலையூற்று பாலமுருகன்
                                 ஆலயப் பரிபாலன சபையினர்,
                                 திருக்கோணமலை. (இலங்கை)
                                 ஏவிளம்பி, மாசித்திங்கள் 12ஆம் நாள், சனிக்கிழமை.

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

தமிழ் இலக்கணம் அறிவோம் - இயல் 02 - பகுதி 4

பதவியல் 4 இடைச் சொற்கள்.  இடைநிலை. ஒரு பகுபதத்தில் பகுதி, விகுதி என்பவற்றுக்கு அடுத்தபடியாக முக்கிய இடம் வகிப்பவை இடைநிலைகளாகும். விகுதியானது திணை, பால் எண், இடம் என்பவற்றைக் காட்டுவதுபோல் வினைச் சொற்களுடன் இணைந்துவருகின்ற இடைநிலைகள் காலத்தைக் காட்டுகின்றன. பெயர்ச்சொற்களிடையே வருகின்ற இடைநிலைகள் காலங்காட்டுவதில்லை. இவற்றின் தன்மையைக் கொண்டு அறிஞர்கள் மூவகைப் படுத்தியுள்ளனர். அவை பெயர் இடைநிலை, வினை இடைநிலை, எதிர்மறை இடைநிலை என்பவையாம்.  பெயர் இடைநிலை: இவை பெயர்ச்சொற்களின் பகுதி, விகுதிகளுக்கு இடையே வருகின்றதெனினும் காலங்காட்டுவதில்லை. உதாரணமாக, அறிஞன், வலைஞன், சுவைஞன் என்பவற்றில் வருகின்ற ‘ஞ’கர மெய் இடைநிலை எனப்படுகிறது. அதேபோல் வலைச்சி என்ற பகுபதத்தில் வருகின்ற ‘ச்’, குறத்தி, வண்ணாத்தி ஆகிய பகுபதங்களிடையே வருகின்ற ‘த்’ என்பன இடைநிலைகளாகும். இவை உண்மையில் இடைநிலைச் சொற்கள்தாமா என்ற மயக்கம் எழுவதற்கும் வாய்ப்பு இல்லாமலில்லை. இவை தனியெழுத்தாக அமைவதும், உடம்படு மெய்போல் தோற்றமளிப்பதும் இத்தகைய மயக்கத்துக்கு ஏதுவாகின்றன. உடம்படு மெய் என்பது வேறு: இடைநில...
மேலும் படிக்கவும்

தமிழ் இலக்கணம் அறிவோம் - இயல் 02 - பகுதி 09

பதவியல்      இயல் 2   பகுதி 9 ஒன்றுடன் ஒன்று தொடர்புபட்டதாகவும் கருத்துப் புலப்படுமாறும் அமைந்திருக்கின்ற இரண்டோ அல்லது அதற்கும் மேற்பட்ட சொற்களைக் கொண்ட கூட்டே தொடர்மொழி எனப்படுகின்றது.  தொடர்மொழியானது தொகைநிலைத் தொடர், தொகாநிலைத் தொடர் என இருவகைப்படுகின்றது.  தொகைநிலைத் தொடர்: தொகைநிலைத் தொடர் என்பது உருபுகள் வெளிப்படாமல் மறைந்து நிற்கின்ற நிலையில், இரண்டு அல்லது அவற்றுக்கும் மேற்பட்ட சொற்கள் இணைந்து இலக்கணரீதியாகப் பொருள் தருவது எனலாம். தொகை என்றால் தொக்கிநிற்கிறது அல்லது மறைந்து நிற்கிறது என்று பொருள். இத்தொகைநிலைத் தொடர் வேற்றுமைத்தொகை, வினைத்தொகை, பண்புத்தொகை, உவமைத்தொகை, உம்மைத்தொகை, அன்மொழித்தொகை என அறுவகைப்படுகின்றது. 1. வேற்றுமைத்தொகை: வேற்றுமை உருபுகள் வெளிப்படையாகத் தெரியாமல் மறைந்துநின்று பொருள் தருகின்றபோது அது வேற்றுமைத்தொகை எனப்படுகிறது. வேற்றுமைகள் எட்டு என்கிறது இலக்கணம். இவற்றுள் முதல்வேற்றுமையும் எட்டாம்வேற்றுமையாகிய விளிவேற்றுமையும் உருபுகள் அற்றன. அதாவது எந்த உருபுகளையும் தம்முடன் இணைத்து மொழிநடையில் ...
மேலும் படிக்கவும்

தமிழ் இலக்கணம் அறிவோம் எழுத்தியல்- பகுதி 5

போலி எழுத்துகள். சில சமயங்களில் ஓரெழுத்தக்குப் பதிலாக வேறோர் எழுத்தைப் பயன்படுத்தும்போது அது போலி எழுத்து எனப்படுகிறது. போலிஎழுத்தும் இலக்கண வலுவுடையது என்பதால் இலக்கண நூலார் அதனை ‘வழு’ எனப் புறந்தள்ளுவதில்லை. எனினும் போலி எழுத்துகள் வலிந்து புகுத்தப்படாதிருப்பது மொழிக்கு அழகு தருமென்பதை நினைவிற் கொளல் நலம். போலி எழுத்துகள் சொல்லின் முதலில் இடம்பெறும்போது அது முதற்போலி எனவும், இடையில் இடம்பெறுகையில் இடைப்போலி எனவும், சொல்லினிறுதியில் வரும்போது கடைப்போலி எனவும் வழங்கப்படுகின்றன. 1. முதற்போலி ஓளவை          அவ்வை        ஒள அவ் போலி பௌத்தம்       பவுத்தம்        பௌ பவு போலி நண்டு              ஞண்டு           ந ஞ போலி மயல்               மையல்         ம மை போலி  மையம்           மய்யம்          மை மய் போலி ஐயர்  ...
மேலும் படிக்கவும்