இலக்கியத்துளி 6

இலக்கியத்துளி 6


புலமையும் வறுமையும் சேர்ந்தேயிருப்பன என்பர் அனுபவசாலிகள். இராமச்சந்த்ரக் கவிராயர் விடயத்திலும் இந்தக் கூற்று பொருந்தியே நின்றது.


அவர் ஒரு பாக்குவெட்டியை வைத்திருந்தார். புலவரது உடைமைகளில் மிகவும் பயனுள்ளபொருள் அந்தப் பாக்குவெட்டியாகத்தான் இருந்திருக்க வேண்டும். யார் செய்த பாவமோ, ஒருநாள் அந்தப் பாக்குவெட்டி காணாமற் போயிற்று.
புலவர் தவித்துப்போனார். பாக்குவெட்டி இல்லாமல் அவரால் எதுவும் செய்யமுடியாது என்பது அவரின் தவிப்பிற் தெரிந்தது.
அங்குமிங்கும் தேடினார். வுழக்கமாக பாக்குவெட்டி வைக்கும் இடத்தைப் பலதடவைகள் துருவித்துருவிப் பார்த்தார்.


பாக்குவெட்டியைக் காணோம் என்பது உறுதியாயிற்று.
பாக்குவெட்டி தானாகக் காணாமற் போயிருக்க முடியாது. அதனை யாரோ அபகரித்து விட்டார்கள் போலும் என்ற பயம் அவரைப் பற்றிக்கொண்டது.


அக்கம்பக்கத்தாரை அழைத்தார். தன் பாக்குவெட்டி காணாமற்போன சங்கதியைக் கவலையுடன் சொன்னார். எவரிடமிருந்தும் பாக்குவெட்டி பற்றிய செய்தி வரவில்லை. தன் பாக்குவெட்டி எவ்வௌற்றுக்கு எல்லாம் பயன்படுகின்றது என்பதை விளக்கத் தொடங்கினார். அப்போதாவது எடுத்தவர்கள் இரக்கப்பட்டு அதனைத் திருப்பிக் கொடுத்துவிடக் கூடும் என்ற நம்பிக்கை அவருக்கு.


“அந்தப் பாக்குவெட்டியால் சமையலுக்கு வேண்டிய விறகுகளைத் தறித்துக் கொள்வேன்.

வேண்டும்போது காய்கறிகளையும் நறுக்குவேன்.

சோற்றுக்கு அரிசி அல்லது உப்பு இல்லையாயின் அதனை அடகுவைத்துப் அவற்றைப் பெற்றுக் கொள்வேன்.

பாக்குப்பிளவு கிடைக்குமாயின் அதனை நான்கு துண்டுகளாகவோ ஆறு துண்டுகளாகவோ பிளந்துகொள்வேன்.

(உடம்பில் எங்கேனும் அரிப்பெடுத்தால்) பறகு பறகு என ஓசை வருமளவுக்குப் பதமாகச் சொறிந்தும் கொள்வேன்.

இத்தனை வழிகளில் எனக்குப் பயன்பட்ட அந்தப் பாக்குவெட்டி ஒருபோதும் இறகு முளைத்துத் தானாகப் பறந்து சென்றிருக்காது.

யாராவது எடுத்திருந்தால் தயவுசெய்து கொடுத்துவிடுங்கள்.”
என்று கெஞ்சுகிறார்.


அந்தக் கெஞ்சுதல் தமிழுக்கு ஓரழகிய பாடலைத் தந்திருக்கிறது.

 அந்தப் பாடல் இதுதான்:

விறகு தறிக்கக் கறி நறுக்க
வெண்சோற் றுப்புக் கடகு வைக்கப்
பிறகு பிளவு கிடைத்த தென்றால்
நாலா றாகப் பிளந்து கொள்ளப்
பறகு பறகு என்றே சொறியப்
பதமா யிருந்த பாக்கு வெட்டி
இறகு முளைத்துப் போவது ண்டோ?
எடுத்தீ ராயிற் கொடுப் பீரே.


                 கந்தவனம் கோணேஸ்வரன்
                 06.04.2019

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

தமிழ் இலக்கணம் அறிவோம் - இயல் 02 - பகுதி 4

பதவியல் 4 இடைச் சொற்கள்.  இடைநிலை. ஒரு பகுபதத்தில் பகுதி, விகுதி என்பவற்றுக்கு அடுத்தபடியாக முக்கிய இடம் வகிப்பவை இடைநிலைகளாகும். விகுதியானது திணை, பால் எண், இடம் என்பவற்றைக் காட்டுவதுபோல் வினைச் சொற்களுடன் இணைந்துவருகின்ற இடைநிலைகள் காலத்தைக் காட்டுகின்றன. பெயர்ச்சொற்களிடையே வருகின்ற இடைநிலைகள் காலங்காட்டுவதில்லை. இவற்றின் தன்மையைக் கொண்டு அறிஞர்கள் மூவகைப் படுத்தியுள்ளனர். அவை பெயர் இடைநிலை, வினை இடைநிலை, எதிர்மறை இடைநிலை என்பவையாம்.  பெயர் இடைநிலை: இவை பெயர்ச்சொற்களின் பகுதி, விகுதிகளுக்கு இடையே வருகின்றதெனினும் காலங்காட்டுவதில்லை. உதாரணமாக, அறிஞன், வலைஞன், சுவைஞன் என்பவற்றில் வருகின்ற ‘ஞ’கர மெய் இடைநிலை எனப்படுகிறது. அதேபோல் வலைச்சி என்ற பகுபதத்தில் வருகின்ற ‘ச்’, குறத்தி, வண்ணாத்தி ஆகிய பகுபதங்களிடையே வருகின்ற ‘த்’ என்பன இடைநிலைகளாகும். இவை உண்மையில் இடைநிலைச் சொற்கள்தாமா என்ற மயக்கம் எழுவதற்கும் வாய்ப்பு இல்லாமலில்லை. இவை தனியெழுத்தாக அமைவதும், உடம்படு மெய்போல் தோற்றமளிப்பதும் இத்தகைய மயக்கத்துக்கு ஏதுவாகின்றன. உடம்படு மெய் என்பது வேறு: இடைநில...
மேலும் படிக்கவும்

தமிழ் இலக்கணம் அறிவோம் - இயல் 02 - பகுதி 09

பதவியல்      இயல் 2   பகுதி 9 ஒன்றுடன் ஒன்று தொடர்புபட்டதாகவும் கருத்துப் புலப்படுமாறும் அமைந்திருக்கின்ற இரண்டோ அல்லது அதற்கும் மேற்பட்ட சொற்களைக் கொண்ட கூட்டே தொடர்மொழி எனப்படுகின்றது.  தொடர்மொழியானது தொகைநிலைத் தொடர், தொகாநிலைத் தொடர் என இருவகைப்படுகின்றது.  தொகைநிலைத் தொடர்: தொகைநிலைத் தொடர் என்பது உருபுகள் வெளிப்படாமல் மறைந்து நிற்கின்ற நிலையில், இரண்டு அல்லது அவற்றுக்கும் மேற்பட்ட சொற்கள் இணைந்து இலக்கணரீதியாகப் பொருள் தருவது எனலாம். தொகை என்றால் தொக்கிநிற்கிறது அல்லது மறைந்து நிற்கிறது என்று பொருள். இத்தொகைநிலைத் தொடர் வேற்றுமைத்தொகை, வினைத்தொகை, பண்புத்தொகை, உவமைத்தொகை, உம்மைத்தொகை, அன்மொழித்தொகை என அறுவகைப்படுகின்றது. 1. வேற்றுமைத்தொகை: வேற்றுமை உருபுகள் வெளிப்படையாகத் தெரியாமல் மறைந்துநின்று பொருள் தருகின்றபோது அது வேற்றுமைத்தொகை எனப்படுகிறது. வேற்றுமைகள் எட்டு என்கிறது இலக்கணம். இவற்றுள் முதல்வேற்றுமையும் எட்டாம்வேற்றுமையாகிய விளிவேற்றுமையும் உருபுகள் அற்றன. அதாவது எந்த உருபுகளையும் தம்முடன் இணைத்து மொழிநடையில் ...
மேலும் படிக்கவும்

தமிழ் இலக்கணம் அறிவோம் எழுத்தியல்- பகுதி 5

போலி எழுத்துகள். சில சமயங்களில் ஓரெழுத்தக்குப் பதிலாக வேறோர் எழுத்தைப் பயன்படுத்தும்போது அது போலி எழுத்து எனப்படுகிறது. போலிஎழுத்தும் இலக்கண வலுவுடையது என்பதால் இலக்கண நூலார் அதனை ‘வழு’ எனப் புறந்தள்ளுவதில்லை. எனினும் போலி எழுத்துகள் வலிந்து புகுத்தப்படாதிருப்பது மொழிக்கு அழகு தருமென்பதை நினைவிற் கொளல் நலம். போலி எழுத்துகள் சொல்லின் முதலில் இடம்பெறும்போது அது முதற்போலி எனவும், இடையில் இடம்பெறுகையில் இடைப்போலி எனவும், சொல்லினிறுதியில் வரும்போது கடைப்போலி எனவும் வழங்கப்படுகின்றன. 1. முதற்போலி ஓளவை          அவ்வை        ஒள அவ் போலி பௌத்தம்       பவுத்தம்        பௌ பவு போலி நண்டு              ஞண்டு           ந ஞ போலி மயல்               மையல்         ம மை போலி  மையம்           மய்யம்          மை மய் போலி ஐயர்  ...
மேலும் படிக்கவும்